旅遊上網卡啟用教學
出發前唔好插卡「試一試」。旅遊上網卡要喺目的地當地先啟用，喺香港預先插卡有機會即刻觸發計時，白白食咗你嘅可用日數。收到卡之後檢查包裝同卡面資料就夠，其餘留到落機先做。
一、實體 SIM 卡
- 出發前：確認手機已解鎖（非鎖網機），並將原本嘅 SIM 卡收好。
- 落機後：關機 → 換入旅遊卡 → 開機。
- 開機後：開啟「流動數據」同「數據漫遊」，網絡選擇設為「自動」。
- 等幾分鐘俾手機自動搜尋網絡。如果仍然冇信號，重啟一次手機。
二、eSIM
- 出發前：確認手機支援 eSIM，並喺有 Wi-Fi 嘅環境安裝。QR Code 只可以掃描一次，唔好刪除已安裝嘅 eSIM 描述檔。
- iPhone：設定 → 流動網絡 → 加入 eSIM → 使用 QR Code。
Android：設定 → 網絡與互聯網 → SIM → 加入 eSIM。 - 落機後：喺設定入面將旅遊 eSIM 設為「流動數據」使用嘅線路，並開啟「數據漫遊」。
三、落機冇信號點算？
- 確認「流動數據」已開。
- 確認「數據漫遊」已開 —— 呢個係最常見嘅漏做步驟。
- 將「網絡選擇」由自動改做手動，睇下搜唔搜到當地網絡商，揀一個試。
- 開啟飛行模式 10 秒再關閉，或者重啟手機。
- 以上都唔得，即刻聯絡我哋（見下面「搵客服」）。
四、手動設定 APN
大部分手機會自動設定，唔使理。但如果你將卡放入 iPad、Wi-Fi 蛋（隨身路由器）或者上網路由器，部分裝置需要手動輸入 APN 先連得到。
APN 值每個品牌、每個地區都唔同，請以你張卡嘅產品頁說明或者卡套上印住嘅資料為準。搵唔到就 WhatsApp 我哋，話俾我哋知你嘅裝置型號同張卡嘅型號，我哋會直接俾個正確 APN 你。
五、常見疑問
收唔到 SMS 驗證碼？
大部分旅遊上網卡係純數據卡，唔支援接收 SMS。如果你需要收驗證碼，出發前請預先改用其他驗證方式（例如 Authenticator App 或電郵）。
寫住「無限上網」，係咪真係冇限制？
「無限」指冇額外收費、冇用量上限，但設有公平使用政策（FUP）。用量過高之後會自動降速，但唔會斷線，基本用途仍然可行。實際高速額度同降速後速度視乎品牌同產品而定，請睇返該產品頁嘅說明。
去兩個國家要買幾多張卡？
一般每張卡只適用於一個地區。行程去兩個國家，可以買兩張對應地區嘅卡，或者揀支援多國嘅產品。
下次旅行可唔可以再用？
大部分旅遊卡係一次性使用，用完唔可以重新啟用，除非該產品支援增值。你可以喺 數據用量查詢及增值 睇下你張卡支唔支援增值。
買錯咗地區／張卡有問題？
出貨後無法更換地區，購買前請確認地區同啟用日期。如果收到嘅卡有問題或者已過期，請即刻聯絡客服，我哋會跟進處理。為咗最快幫到你，聯絡時請一次過提供以下三樣：
- 手機／裝置型號（例如 iPhone 15 Pro、iPad Air 第 5 代）
- SIM 卡嘅 ICCID（印喺卡套上，通常以 89 開頭嘅長串數字）
- 手機設定畫面嘅截圖（流動數據／數據漫遊／網絡選擇嗰幾版）